“Qarabağ” dünya reytinqində daha 17 pillə irəlilədi

Azərbaycan çempionu “Qarabağ” beynəlxalq arenada növbəti uğura imza atıb.

90deqiqe.Az-ın məlumatına görə, Ağdam təmsilçisi Beynəlxalq Futbol Tarixi və Statistikaları Federasiyasının (IFFHS) açıqladığı yeni dünya klub reytinqində 17 pillə irəliləyib.

192,25 xalla əvvəlki siyahıda 82-ci yerdə qərarlaşan Qurban Qurbanovun komandası bu dəfə 65-ci pilləyə yüksəlib.

Azərbaycan Premyer Liqasının digər təmsilçiləri də mövqelərini yaxşılaşdırıblar. “Sabah” 296-cı yerdən 276-cı pilləyə, “Zirə” 407-dən 387-yə, “Araz-Naxçıvan” isə 391-dən 390-cı yerə qalxıb.

Qeyd edək ki, 502 klubun yer aldığı reytinq cədvəlinə 567 xalla Fransa nəhəngi PSJ başçılıq edir.