"Qarabağ" Kadinin əvəzinə bu futbolçunu sifariş edib - ÇL

"Qarabağ" futbol klubu UEFA Çempionlar Liqasının növbəti oyunları üçün heyətini yeniləyib.

90deqiqe.Az-ın məlumatına görə, Ağdam təmsilçisi zədə səbəbindən uzun müddətlik müalicəyə çıxan Kadi Borgesi əvəz etmək üçün 27 yaşlı yarımmüdafiəçi Joni Montieli iştirak ərizəsinə daxil edib.

UEFA İcraiyyə Komitəsinin yayda verdiyi qərara əsasən, əgər bir futbolçu avrokuboklarda ən azı 2 ay müddətində sıradan çıxarsa, onu başqa bir oyunçu ilə əvəz etmək mümkündür. Bu qərar sayəsində "Qarabağ" Montielin iştirakını təsdiqləyib.

Qeyd edək ki, "Qarabağ" növbəti Çempionlar Liqası oyununda noyabrın 25-də İtaliyada "Napoli"yə qarşı mübarizə aparacaq. Bu oyun, komanda üçün çox önəmli olan Liqa mərhələsinin V turu olacaq.