- Çempionlar liqası
- 01:40 13.08.2026
UEFA Çempionlar Liqasının Liqa mərhələsinin V turunda keçiriləcək “Napoli” – “Qarabağ” matçına hakim təyinatları müəyyənləşib.
90deqiqe.Az xəbər verir ki, görüşü polşalı FIFA referisi Şimon Marçinyak idarə edəcək. Ona yan xətt hakimləri Tomaş Listkieviç və Adam Kupsik kömək göstərəcəklər. Dördüncü hakim funksiyasını Voyçex Mik yerinə yetirəcək.
Matçın VAR sisteminə niderlandlı Pol van Bokel, AVAR-a isə xorvatiyalı İvan Bebek təhkim olunub.
Qeyd edək ki, qarşılaşma noyabrın 25-də “Stadio Diego Armando Maradona” stadionunda saat 00:00-da başlayacaq.
