“Xal qazanmağa fokuslanacağıq”

“Mançester Siti”nin baş məşqçisi Xosep Qvardiola Çempionlar Liqasının “Bayer”lə matçı barədə danışıb.

90deqiqe.Az xəbər verir ki, ispan çalışdırıcı bu barədə matç öncəsi mətbuat konfransında bildirib:

“‘Nyukasl’ məğlubiyyətini unutduq. Nə baş verdiyini düşündük. Çempionlar Liqasında önümüzdə dörd vacib oyun var. Sabah üçüncü yerdə qərarlaşmış Bundesliqa komandası ilə qarşılaşacağıq. Bu, çox önəmli oyundur, çünki ilk səkkizliyə düşmək istəyirik. Xal qazanmalıyıq. Sahədə nə etməli olduğumuza fokuslanacağıq. Keçmişin əhəmiyyəti yoxdur”

Qeyd edək ki, “Mançester Siti” – “Bayer” oyunu 25 noyabr tarixində keçiriləcək.