“Markinyosun PSJ-də 500 matça çıxması inanılmaz rəqəmdir”

PSJ-in baş məşqçisi Luis Enrike 500-cü oyununu Paris klubu üçün keçirə biləcək müdafiəçi Markinyos barədə fikirlərini bölüşüb.

90deqiqe.Az xəbər verir ki, mütəxəssis braziliyalı futbolçunun sabitliyini və yüksək peşəkarlığını xüsusi vurğulayıb.

“Bu, inanılmaz rəqəmdir. Bu göstərici onun və bütün komanda üçün çox önəmlidir. Belə təsirli karyeraya sahib futbolçunu görmək əladır. O, xüsusi oyunçudur, əsl liderdir. Bizim üçün çox önəmlidir və ümid edirəm ki, bizimlə daha uzun illər qalacaq”

Qeyd edək ki, PSJ 26 noyabr tarixində Çempionlar Liqasının ümumi mərhələsinin 5-ci turunda “Tottenhem”lə qarşılaşacaq. Matç Bakı vaxtı ilə saat 00:00-da start götürəcək.