“Məğlubiyyətin məsuliyyətini mən daşıyıram”

“Mançester Siti”nin baş məşqçisi Xosep Qvardiola Çempionlar Liqasının 5-ci turunda “Bayer”ə 0:2 hesabı ilə uduzduqları oyunu şərh edib.

90deqiqe.Az-ın məlumatına görə, "BBC" ispan çalışdırıcının dediklərini belə çatdırıb.

“Məğlubiyyətin məsuliyyətini öz üzərimə götürürəm. Başlanğıc heyətdə əla futbolçularımız var idi, amma nəsə çatmadı — ən yüksək səviyyədə tələb olunan detallar. İndi növbəti oyunlarda mübarizə aparmalıyıq. ‘Bayer’ bizə qarşı yaxşı çıxış etdi. Ümumilikdə biz də pis oynamadıq və daha çox qol epizodu yaratdıq, amma görünür, bunların hamısı yarımçıq imkanlar idi”

Bu görüşdən sonra “şəhərlilər” 10 xalla Çempionlar Liqasının ümumi cədvəlində 6-cı pillədə qərarlaşıb. Leverkusen təmsilçisi isə 8 xalla 13-cü sırada yer alıb.