PSV “Liverpul”a darmadağınla qalib gəldi

Çempionlar Liqasının ümumi mərhələsinin 5-ci turunda “Liverpul” öz meydanında PSV-ni qəbul edib.

90deqiqe.Az-ın məlumatına görə, “Enfild”də keçirilən qarşılaşma Eindhoven təmsilçisinin 4:1 hesablı qələbəsi ilə başa çatıb. 

Matçın 6-cı dəqiqəsində İvan Perişiç penaltini dəqiq yerinə yetirərək hesabı açıb. 16-cı dəqiqədə Dominik Soboslai tarazlığı bərpa edib. 56-cı dəqiqədə Qus Til PSV-ni yenidən önə çıxarıb. 73-cü dəqiqədə Kouhaib Driuş fərqi artırıb, 90+1-ci dəqiqədə isə o, dubla imza atıb.

Bu nəticədən sonra “Liverpul” 9 xalla Çempionlar Liqasının ümumi cədvəlinin orta hissəsində qərarlaşıb. PSV isə 8 xalla eyni hissədə mövqe tutur.

Növbəti turda “Liverpul” 9 dekabrda səfərdə “İnter”in qonağı olacaq. PSV isə həmin gün doğma meydanda “Atletiko” ilə qarşılaşacaq.