“Əsas diqqətimiz Çempionlar Liqasındadır”

Çempionlar Liqasının VI turu çərçivəsində Frankfurtdakı “Ayntraxt”la oyundan əvvəl "Barselona"nın baş məşqçisi Flik komandasının İspaniya çempionatındakı liderliyi barədə fikirlərini bölüşüb.

90deqiqe.Az xəbər verir ki, "Mundo Deportivo" alman çalışdırıcının dediklərini belə çatdırıb.

“Biz həmişə öz üzərimizə fokuslanırıq. Rəqiblərə baxmırıq və bu barədə danışmaq istəmirik. Biz diqqətliyik və bilirik ki, qarşıda uzun yol var. Daha çox xalımız olsa da, bu yeni mövsümdür. Keçən mövsümün sonunda inanılmaz idik. “Atletiko” və “Vilyarreal” da əllərindən gələni edir. Amma indi əsas məsələ Çempionlar Liqasıdır”

Hazırda kataloniyalılar 40 xalla La Liqa cədvəlində liderdir, “Real” isə 36 xalla ikinci pillədədir.