“İnter” əsas oyunçusunu itirə bilər

“İnter”in müdafiəçisi Manuel Akandji “Liverpul” matçında iştirak edib-etməyəcəyi hələlik bəlli deyil.

90deqiqe.Az-ın "Sky Sport"a istinadən məlumatına görə, Milan təmsilçisi Çempionlar Liqasının VI turunda 9 dekabrda “Liverpul”la keçirəcəyi oyunda əsas müdafiəçisi Manuel Akandjini itirə bilər.

İsveçrəli futbolçuda son günlər qrip simptomları müşahidə olunub və bu səbəbdən o, son məşqi buraxıb. Akandji çərşənbə axşamı tibbi müayinədən keçəcək və onun oyuna çıxıb-çıxmayacağı müayinədən sonra müəyyənləşəcək.

Cari mövsümdə müdafiəçi 17 oyunda iştirak edib, qol və məhsuldar ötürmə ilə yadda qalmayıb. “İnter” Çempionlar Liqası cədvəlində 12 xalla dördüncü sıradadır.