PSJ “Atletik” matçı üçün heyətini açıqlayıb

Fransanın PSJ klubu UEFA Çempionlar Liqasının liqa mərhələsində dekabrın 10-da “Atletik”ə qarşı keçirəcəyi oyun üçün heyətini açıqlayıb.

90deqiqe.Az klubun rəsmi saytına istinadən xəbər verir ki, qapıçı Luk Şevalye, hücumçu Usman Dembele və müdafiəçilər Lukas Beraldo ilə Əşraf Hakimi bu matçda iştirak etməyəcəklər.

“Bilbao səfərindən əvvəl tibbi vəziyyət: Usman Dembele özünü yaxşı hiss etmir və oyunda iştirak etməyəcək. Luk Şevalye müalicəsini davam etdirir. Lukas Beraldo və Əşraf Hakimi reabilitasiyadan keçirlər”.

Qapıda isə rusiyalı qolkiper Matvey Safonovun çıxışı gözlənilir. O, Liqa 1-in 15-ci turunda “Renn”lə 5:0 hesablı qələbədə ilk dəfə start heyətində meydana çıxmışdı.