“Atalanta” evdə “Çelsi”ni məğlub etdi

UEFA Çempionlar Liqasının 2025/2026 mövsümünün əsas mərhələsinin VI turunda “Atalanta” (İtaliya) və “Çelsi” (İngiltərə) üz-üzə gəlib.

90deqiqe.Az-ın məlumatına görə, Berqamodakı “Gewiss – Atleti Azzurri d’Italia” stadionunda keçirilən qarşılaşma meydan sahiblərinin 2:1 hesablı qələbəsi ilə yekunlaşıb.

Görüşün 25-ci dəqiqəsində Joao Pedro London təmsilçisini hesabda irəli çıxarıb. Lakin 55-ci dəqiqədə Canluka Skamakka tarazlığı bərpa edib. Matçda son nöqtəni isə 83-cü dəqiqədə Şarl De Ketelare qoyub.

Bu nəticədən sonra “Atalanta” 13 xalla turnir cədvəlinin üçüncü pilləsinə yüksəlib. 10 xala malik “Çelsi” isə 11-ci yerdə qərarlaşıb.

Qeyd edək ki, Çempionlar Liqasının final oyunu 30 may 2026-cı ildə Budapeştdəki “Puškaš Arena”da keçiriləcək.