"Liverpul" tarixində beşinci, XXI əsrdə isə dördüncü dəfə "İnter"i məğlub edib

UEFA Çempionlar Liqasının ümumi qrup mərhələsinin 6-cı turunda İngiltərənin “Liverpul” klubu səfərdə “İnter”i 1:0 hesabı ilə məğlub edib.

90deqiqe.Az-ın məlumatına görə, bu qələbə “merseysaydlılar” üçün italiyalı rəqibləri ilə qarşıdurmalar tarixində beşinci, XXI əsrdə isə dördüncü qələbə olaraq qeydə alınıb. Ümumilikdə komandalar yeddi dəfə üz-üzə gəlib. Bu görüşlərin beşində “Liverpul”, ikisində isə “İnter” qalib gəlib.

XXI əsrdə tərəflər beş dəfə qarşılaşıb: dörd görüşdə ingilislər, birində isə “İnter” üstün olub.

Qrup mərhələsinin turnir cədvəlində hər iki komandanın aktivində altı oyundan sonra 12 xal var. Əlavə göstəricilərə əsasən, “İnter” 5-ci, “Liverpul” isə 8-ci pillədə qərarlaşıb.