“Qollar hər gün olmur, ona görə sevincim böyükdür”

“Barselona”nın müdafiəçisi Jül Kunde Çempionlar Liqasının 6-cı turunda “Ayntraxt”a qarşı səfər matçında (2:1) vurduğu iki qolu və komandanın çıxışını şərh edib.

90deqiqe.Az xəbər verir ki, "AS" fransalı oyunçunun dediklərini belə çatdırıb.

“Qələbə və vurduğum qollar məni çox sevindirdi. Hər matçda qol vurmaq mümkün deyil, buna görə bu iki qol mənim üçün xüsusi əhəmiyyət daşıyır. Məqsədimiz ilk 8-likdə yer almaqdır”.

Kunde komandasının xüsusilə ikinci hissədə daha üstün göründüyünü qeyd edib:

“Rəqib bir şansdan yararlanıb qol vurdu. Biz isə daha çox risk etməli idik. İkinci hissədə oyunumuzu artırdıq və daha çox fərqlənə bilərdik. Rəqib beş müdafiəçi ilə oynayanda boş zonalar yaratmaq lazımdır. Raşford belə ötürmələri yaxşı edir, mən də onun ötürməsini gözləyirdim”.