“Qarabağ” evdə “Ayaks”a uduzdu

UEFA Çempionlar Liqasının 2025/2026 mövsümünün əsas mərhələsinin 6-cı turu çərçivəsində “Qarabağ” və “Ayaks” üz-üzə gəlib.

90deqiqe.Az xəbər verir ki, görüş Bakıdakı Tofiq Bəhramov adına stadionda keçirilib. Baş hakim funksiyasını Sloveniya nümayəndəsi Rade Obrənoviç yerinə yetirib.

Amsterdam klubunun oyunçuları əzmkar qələbə qazanaraq, matçı 4:2 hesabı ilə başa vurublar.

Oyunun 10-cu dəqiqəsində “Qarabağ”ın hücumçusu Kamilo Duran hesabı açıb. 39-cu dəqiqədə “Ayaks”ın forvardı Kasper Dolberq cərimə meydançasının kənarından zərbə ilə fərqi bərabərləşdirib. 47-ci dəqiqədə “Qarabağ”ın müdafiəçisi Mateus Silva komandamızı yenidən önə çıxarıb. 79-cu dəqiqədə qonaqların yarımmüdafiəçisi Oskar Qluh hesabı bərabərləşdirib. 83-cü dəqiqədə Anton Goeyi “Ayaks”ı önə çıxarıb, 90-cı dəqiqədə isə Qluh dublla fərqlənib.

7-ci turda “Qarabağ” 21 yanvar çərşənbə günü evdə Almaniyanın “Ayntraxt” komandası ilə qarşılaşacaq. Bir gün əvvəl isə “Ayaks” İspaniyanın “Vilyarreal” komandası ilə səfər matçına çıxacaq.