“Qol vurmaq bizim üçün ən çətin idi”

PSJ-nin hücumçusu Xviça Kvaratsxeliya Çempionlar Liqasının 6-cı turunda "Atletik"lə oyundan (0:0) sonra komandanın əsas çətinliyi barədə danışıb.

90deqiqe.Az-ın "Okko"ya istinadən məlumatına görə, gürcü futbolçu komandanın üç xal qazana bilməməsinin əsas səbəbi kimi hücumların yekunlaşdırılmasındakı problemləri göstərib:

"Bu gün nə ən çətin idi? Məncə, qol vurmaq. Bu, bizə alınmadı. Realizasiya yetərli olmadı, bunun üzərində işləməliyik. Heç-heçənin başlıca səbəbi də budur"

Qeyd edək ki, hazırda PSJ turnir cədvəlində 13 xalla üçüncü pillədə qərarlaşıb. "Atletik" isə 5 xal toplayaraq 28-ci yerdə mövqe tutur.