ÇL: İlk turun ən yaxşısı

Çempionlar Liqasında qrup mərhələsinin ilk turunun ən yaxşı futbolçusu müəyyənləşib.

Corner.az xəbər verir ki, UEFA azarkeşlər arasında aparılan sorğuda ən çox səs toplayan futbolçunun adını açıqlayıb.

Bu ada “Zalsburq”un gənc hücumçusu Erlinq Braut Haaland layiq görülüb. Haalandın “Genk”lə qarşılaşmada het-trik etməsi həlledici rol oynayıb. Həmin görüş “Zalsburq”un 6:2 hesabı ilə qələbəsi ilə başa çatıb.

Qeyd edək ki, həftənin ən yaxşısı olmağa digər iddiaçılar Mark-Andre Ter Ştegen (“Barselona”), Anxel di Mariya (PSJ) və Mislav Orsiç (“Dinamo” Zaqreb) idi