İnter'in futbolçuları arasında dava

Çempionlar Liqasının qrup mərhələsində "İnter" doğma meydanında Slaviya ilə qarşılaşıb və son dəqiqə qolu ilə məğlubiyyətdən xilas olub - 1:1. 

Corner.az-ın xarici mətbuata istinadən məlumatına görə, qarşılaşmanın fasiləsində Milan təmsilçisinin futbolçuları arasında qalmaqal baş verib.

Belə ki, hücumçu Romelu Lukaku baş məşqçiyə yarımmüdafiəçilərdən şikayət edib və ona lazımi dəstəyi vermədiklərini, vaxtında irəli çıxmadıqlarını deyib. Bu isə futbolçu Marselo Brozoviçin xoşuna gəlməyib. Nəticədə iki futbolçu arasında dava yaşanıb. Vəziyyətin gərginləşdiyini görən digər hücumçu Aleksis Sançes onları ayırmağı bacarıb.

Hadisədən narazı olan baş məşqçi Antonio Konte oyunçularla bağlı tədbir görülməsi üçün rəhbərliyə göstəriş verib.