“Qarabağ”a qarşı oyunda hücum futbolu oynamağa hazırıq”

Almaniyanın “Ayntraxt” komandasının baş məşqçi səlahiyyətlərini icra edən Dennis Şmitt UEFA Çempionlar Liqasının əsas mərhələsinin VII turunda “Qarabağ”a qarşı keçiriləcək oyuna hazırlıqlar barədə danışıb.

90deqiqe.Az xəbər verir ki, Frankfurt təmsilçisinin mütəxəssisi səfərə yaxşı əhval-ruhiyyə ilə yollanacaqlarını vurğulayıb:

“Bakıda yaxşı oyun sərgiləyə bilərik. Sabahkı görüşə köklənmişik. Əlimizə düşən fürsətlərdən maksimum yararlanmalıyıq. Hücum futbolu oynamağa da hazırıq, müdafiə haqqında çox düşünməyəcəyik. Turnirdə mübarizəni davam etdirmək üçün yaxşı şansımız var”.

Xatırladaq ki, “Qarabağ” – “Ayntraxt” matçı yanvarın 21-i, saat 21:45-də Tofiq Bəhramov adına Respublika stadionunda keçiriləcək.