Mbappe Ronaldo, Benzema və Raulun rekorduna şərik oldu

“Real” klubunun hücumçusu Kilian Mbappe Çempionlar Liqasının cari mövsümündə yubiley qolunu vurub.

90deqiqe.Az-ın "Squawka"ya istinadən məlumata görə, fransalı futbolçu “Monako” ilə keçirilən oyunun 5-ci dəqiqəsində hesabı açaraq turnirdəki 10-cu qoluna imza atıb.

Mbappe “Real” forması ilə Çempionlar Liqasının bir mövsümündə 10 və ya daha çox qol vuran dördüncü futbolçu olub. Daha əvvəl bu göstəriciyə Kriştiano Ronaldo (7 dəfə), Kərim Benzema və Raul nail olublar.

Hazırda Kilian Mbappe Çempionlar Liqasının bombardirlər siyahısına inamla liderlik edir. Onu ən yaxın izləyənlər – “Qalatasaray”ın hücumçusu Viktor Osimhen və “Mançester Siti”nin forvardı Erlinq Holand hərəyə altı qolla fərqləniblər.

Qeyd edək ki, Mbappenin sabit performansı “Real”ın turnirdə əsas iddiaçılardan biri kimi çıxış etməsində mühüm rol oynayır.