“Vilyarreal” doğma meydanda “Ayaks”a uduzdu

Çempionlar Liqası çərçivəsində keçirilən matçda “Vilyarreal” doğma meydanda “Ayaks”ı qəbul edib.

90deqiqe.Az-ın məlumatına görə, “sarı sualtı qayıq” topa nəzarəti rəqibinə versə də, hücumları daha məntiqli və təhlükəli alınan tərəf məhz İspaniya təmsilçisi olub.

Görüşün əvvəlində sol cinahdan Ayose Peresin yerinə yetirdiyi künc zərbəsindən sonra təhlükəli epizod yaranıb. Tani Oluvaseyinin zərbəsindən sonra qapıçının möhtəşəm seyv etməsi oyunun diqqətçəkən məqamlarından biri olub.

İkinci hissənin əvvəlində Tani müdafiəçinin havadan ötürməsindən sonra açıq mövqedə topu qəbul edərək təxminən 20 metr məsafədən güclü zərbə ilə hesabı açıb — 1:0.

61-ci dəqiqədə standart vəziyyətdən sonra “Vilyarreal”ın kapitanı uğursuz çıxış edib və Oskar Qlux hava mübarizəsində rəqibini qabaqlayaraq başla dəqiq zərbə endirib — 1:1.

Oyunun 90-cı dəqiqəsində əvəzetmədən az əvvəl meydana daxil olan Oliver Edvardsen qapıçı ilə üz-üzə qalaraq topu tora göndərib və qarşılaşmada son sözü deyib — 1:2.

Bu nəticədən sonra “Vilyarreal” turnir cədvəlinin son pilləsində bir xalla qalır. “Ayaks” isə 6 xalla 31-ci yerdə qərarlaşıb.