- Çempionlar liqası
- 20:29 21.01.2026
“Mançester Siti”nin futbolçuları Çempionlar Liqasının ümumi mərhələsinin 7-ci turu çərçivəsində “Budo-Qlimt”lə oyunu stadiondan izləyən azarkeşlərə bilet pullarını geri ödəyəcək.
90deqiqe.Az-ın "Manchester Evening News"a istinadən məlumata görə, azarkeşlərə ümumilikdə 9 357 funt sterlinq (10 760 avro) məbləğində vəsait geri qaytarılacaq.
“Azarkeşlərimiz bizim üçün hər şeydir. Onların bizi dəstəkləmək üçün səfərlərdə hansı çətinliklərə qatlaşdığını bilirik və bunu heç vaxt adi hal kimi qəbul etməyəcəyik. Soyuq havada çətin bir axşamda bizi dəstəkləyən fanatların uzun yol qət etdiyini anlayırıq. Budöyə gələn azarkeşlərə bilet pullarının qaytarılması edə biləcəyimiz minimumdur”, – deyə “şəhərlilər”in futbolçularının sözlərindən sitat gətirilib.
Qeyd edək ki, qarşılaşma Norveçin Budö şəhərində yerləşən “Aspmyura” stadionunda baş tutub və İngiltərə klubu səfərdə 1:3 hesabı ilə məğlub olub.
