- Çempionlar liqası
- 02:13 22.01.2026
UEFA Çempionlar Liqasının 2025/2026 mövsümünün ümumi mərhələsinin 7-ci turu çərçivəsində Almaniyanın “Bavariya” klubu ilə Belçikanın “Yunion” komandası arasında oyun başa çatıb.
90deqiqe.Az-ın məlumatına görə, Münhendəki “Arena Münxen” stadionunda keçirilən qarşılaşmanı Sloveniyadan olan baş hakim Rade Obrenoviç idarə edib.
Görüşün 52-ci dəqiqəsində “Bavariya”nın hücumçusu Harri Keyn hesabı açıb. Cəmi üç dəqiqə sonra ingilis futbolçu penaltidən dəqiq zərbə ilə dubla imza atıb. 63-cü dəqiqədə isə münhenlilərin müdafiəçisi Kim Min Cje ikinci sarı vərəqəni alaraq meydandan qovulub və komandasını azlıqda qoyub. Matçın 81-ci dəqiqəsində Keyn het-trik etmək şansı qazansa da, növbəti penaltini qola çevirə bilməyib.
Nəticədə “Bavariya” 2:0 hesablı qələbə qazanıb. Bu qələbə sayəsində Almaniya çempionu xallarının sayını 18-ə çatdıraraq turnirin 1/8 final mərhələsinə vəsiqəni vaxtından əvvəl təmin edib.
Son turda, yanvarın 28-də “Bavariya” səfərdə PSV ilə qarşılaşacaq. Həmin gün altı xalı olan “Yunion” isə öz meydanında “Atalanta”nı qəbul edəcək.
