- Çempionlar liqası
- 02:13 22.01.2026
Çərşənbə günü UEFA Çempionlar Liqasının 2025/2026 mövsümünün ümumi mərhələsində 7-ci turun oyunları başa çatıb.
90deqiqe.Az-ın məlumatına görə, turun yekunlarına əsasən “Arsenal” klubu 21 xalla turnir cədvəlinin lideri olub.
Mikel Artetanın rəhbərlik etdiyi komanda doğma meydanda “İnter”i 3:1 hesabı ilə məğlub edərək liderliyini möhkəmləndirib.
Turnir cədvəlində növbəti pillələrdə Münhen “Bavariya”sı, Madrid “Real”ı, “Liverpul”, “Tottenhem”, PSJ, “Nyukasl Yunayted” və “Çelsi” qərarlaşıb.
“Barselona”, “Mançester Siti”, “İnter”, “Qarabağ” və Dortmund “Borussiya”sı isə 9–24-cü yerlər arasında qərarlaşan komandalar sırasında yer alıb.
Qeyd edək ki, ümumi mərhələnin səkkiz turunun yekununda 36 klubdan ibarət turnir cədvəli formalaşır. İlk 8 yeri tutan komandalar birbaşa 1/8 final mərhələsinə vəsiqə qazanır, 9–24-cü pillələrdə qərarlaşan klublar isə 1/8 finala yüksəlmək uğrunda pley-off qarşılaşmaları keçirirlər.
