“Qarabağ” asan rəqib deyil”

“Qarabağ” bu mövsüm öz bacarığını güclü komandalara qarşı göstərib."

90deqiqe.Az xəbər verir ki, bu sözləri İngiltərənin “Liverpul” klubunun baş məşqçisi Arne Slot mətbuat konfransında deyib.Baş məşqçi evdə keçiriləcək UEFA Çempionlar Liqasının əsas mərhələsinin VIII tur matçında “Qarabağ”a qarşı keçirəcəkləri oyunu şərh edib:

“Rəqibin heyətində sürətli futbolçular var və topa rahat nəzarət edirlər. ‘Qarabağ’ öz bacarığını bu mövsüm güclü komandalara qarşı nümayiş etdirib və asanlıqla məğlub ediləcək rəqib deyil. Xüsusilə, bu mövsüm Çempionlar Liqasında ‘Çelsi’ ilə oyunlarda 2:2 hesablı heç-heçə etdilər. Bu, göstərir ki, qitənin ən nüfuzlu klub turnirində zəif komanda yoxdur. Bizim qarşılaşdığımız bütün komandalar yüksək səviyyəli olub”

Baş məşqçi həmçinin vurğulayıb ki, “Qarabağ”ın həm fərdi oyunçuları, həm də ümumi oyun üslubu kifayət qədər güclüdür. Komanda sürətli və birbaşa futbol oynayır, oyunçular isə topa nəzarətdə özlərini rahat hiss edirlər.