“İnter” ÇL-də pley-off mərhələsində

UEFA Çempionlar Liqasının 2025/2026 mövsümünün ümumi mərhələsinin VIII turu çərçivəsində Almaniyanın Dortmund şəhərində yerli “Borussiya Dortmund” ilə İtaliyanın “İnter” klubu arasında qarşılaşma başa çatıb.

90deqiqe.Az-ın məlumata görə, “Dortmund” stadionunda keçirilən görüşü Rumıniyadan olan baş hakim İştvan Kovaç idarə edib. Matçda 2:0 hesablı qələbəni “İnter” qazanıb.

Hesabı görüşün 81-ci dəqiqəsində müdafiəçi Federiko Dimarko açıb. Əlavə olunmuş vaxtın 90+4-cü dəqiqəsində isə yarımmüdafiəçi Endi Diuf fərqi iki topa çatdırıb.

Bu qələbə sayəsində “İnter” səkkiz turdan sonra aktivinə 15 xal yazdırıb. “Borussiya Dortmund” isə 11 xalla kifayətlənib. Hər iki komanda Çempionlar Liqasının 1/8 finalına yüksəlmək uğrunda pley-off mərhələsinə vəsiqə qazanıb.