FİFA 2019-cu ilin ən yaxşı məşqçisinin adı müəyyənləşib.
Corner.az xəbər verir ki, İtaliyanın Milan şəhərindəki “La Skala” teatrında təşkil olunan tədbirdə mükafatın sahibi açıqlanıb.
Bu ada “Liverpul”un baş məşqçisi Yurgen Klopp layiq görülüb. O, “Tottenhem”in çalışdırıcısı Maurisio Poçettino və “Mançester Siti”yə rəhbərlik edən Pep Qvardiolanı qabaqlayıb.
Qeyd edək ki, ən yaxşı çalışdırıcı milli komandaların baş məşqçiləri və kapitanları, jurnalistlər, həmçinin azarkeşlər arasında keçirilən səsvermə ilə müəyyənləşib.
