“Qarabağ” Çempionlar Liqasının pley-off mərhələsində “Nyukasl”la qarşılaşacaq

UEFA Çempionlar Liqasının pley-off mərhələsinin püşkatma mərasimi keçirilib.

90deqiqe.Az-ın məlumata görə, İsveçrənin Nyon şəhərində baş tutan tədbirdə turnirdə mübarizəni davam etdirən klubların 1/8 finala gedən yoldakı rəqibləri müəyyənləşib.

Püşkün nəticəsinə əsasən Azərbaycan çempionu “Qarabağ”ın pley-off mərhələsindəki rəqibi İngiltərənin “Nyukasl” klubu olub. Ağdam təmsilçisi növbəti mərhələyə yüksəlmək uğrunda Premyer Liqa təmsilçisi ilə üz-üzə gələcək.

UEFA Çempionlar Liqasının pley-off mərhələsində formalaşan cütlüklər aşağıdakılardır:

“Qalatasaray” (Türkiyə) – “Yuventus” (İtaliya)

“Borussiya Dortmund” (Almaniya) – “Atalanta” (İtaliya)

“Olimpiakos” (Yunanıstan) – “Bayer Leverkuzen” (Almaniya)

“Brügge” (Belçika) – “Atletiko” (İspaniya)

“Monako” (Fransa) – PSJ (Fransa)

“Qarabağ” (Azərbaycan) – “Nyukasl” (İngiltərə)

“Benfika” (Portuqaliya) – “Real Madrid” (İspaniya)

“Budyo-Qlimt” (Norveç) – “İnter” (İtaliya)

Qeyd edək ki, pley-off mərhələsinin ilk oyunları 17–18 fevral tarixlərində, cavab qarşılaşmaları isə 24–25 fevralda keçiriləcək. “Qarabağ” pley-off mərhələsində ilk oyununu Bakıda keçirəcək.