“Vinisus kimi zərbəni yalnız Mbappe və ya Neymar vura bilər”

UEFA Çempionlar Liqasının pley-off mərhələsinin ilk oyununda “Benfika” doğma meydanda "Real Madrid"ə 0:1 hesabı ilə məğlub olub.

 90deqiqe.Az-ın “Marca” nəşrinə istinadən məlumatına görə, “qartallar”ın baş məşqçisi Jose Mourinyo futbolçunun qolunu yüksək qiymətləndirib. O, bu cür zərbəni cəmi iki oyunçunun təkrarlaya biləcəyini deyib:

“Vinisusun qolu möhtəşəm idi. Belə zərbəni yalnız Mbappe və ya Neymar səviyyəsində futbolçu vura bilər. Belə oyunçuya hörmətlə yanaşmaq lazımdır, onunla daim münaqişəyə girmək yox”

Görüşdə yeganə qolu braziliyalı hücumçu Vinícius Júnior vurub.

Qeyd edək ki, “Real” və “Benfika” arasında cavab görüşü gələn həftə keçiriləcək.