Çempionlar Liqası: “Qarabağ”ın qapısından dörd qol keçirən futbolçu həftənin ən yaxşısı seçildi

Cari mövsümün Çempionlar Liqasında pley-off mərhələsinin ilk oyunları çərçivəsində həftənin ən yaxşı futbolçusu müəyyənləşib.

90deqiqe.Az-ın məlumata görə, “Nyukasl” klubunun hücumçusu Antoni Qordon həftənin ən yaxşı oyunçusu seçilib.

İngiltərə millisinin üzvü Azərbaycan təmsilçisi "Qarabağ" ilə qarşılaşmada dörd qol vuraraq komandasının 6:1 hesablı böyük qələbəsində əsas pay sahibi olub.

Səsvermədə A.Qordon PSJ  klubunun vingeri Desire Due, “Budyo-Qlimt” təmsilçisi Kasper Hoh və "Bayer" klubunun hücumçusu Patrik Şiki qabaqlayıb.

Qeyd edək ki, Antoni Qordon cari mövsüm “Nyukasl”ın heyətində bütün turnirlər daxil olmaqla 36 oyunda meydana çıxıb, 14 qol vurub və 5 məhsuldar ötürmə ilə yadda qalıb.