“Nyukasl” – “Qarabağ” matçına italiyalı hakimlər təyin olundu

UEFA Çempionlar Liqasının pley-off mərhələsində İngiltərədə keçiriləcək “Nyukasl” – “Qarabağ” cavab oyununun hakim təyinatları açıqlanıb.

90deqiqe.Az xəbər verir ki,qarşılaşmanı İtaliyadan olan hakimlər briqadası idarə edəcək. Matçın baş hakimi tanınmış FIFA referisi Davide Massa olacaq. Ona yan xətt hakimləri Filippo Meli və Stefano Alassio kömək edəcəklər. Dördüncü hakim funksiyasını isə Luca Pairetto yerinə yetirəcək.

VAR hakimi kimi Daniele Chiffi təyin olunub. Onun köməkçisi almaniyalı referi Christian Dingert olacaq.

Qeyd edək ki, fevralın 24-dən 25-nə keçən gecə  “Sent Ceyms Park” stadionunda keçiriləcək “Nyukasl” – “Qarabağ” görüşü Bakı vaxtı ilə saat 00:00-da başlayacaq. Tərəflər arasında Bakıda baş tutan ilk oyunda İngiltərə təmsilçisi 6:1 hesablı qələbə qazanıb.