Mbappe Çempionlar Liqasının ilk oyununu buraxacaq

“Real Madrid”ın hücumçusu Kilian Mbappe yaxın matçlarda komandaya kömək edə bilməyəcək.

90deqiqe.Az-ın “Carrusel Deportivo”ya istinadən məlumatına görə, fransız futbolçunun dizindəki zədə dərinləşib və o,  Çempionlar Liqasının 1/8 final mərhələsində “Mançester Siti” ilə ilk oyunu buraxacaq.  Mbappe ən yaxşı halda cavab oyununa hazır olacaq.

İlk qarşılaşma 11 martda Madriddə baş tutacaq, cavab oyunu isə 17 martda Mançesterdə keçiriləcək. 

Daha əvvəl Cud Bellinqemin də fevralın əvvəlində aldığı zədəyə görə hər iki oyunu buraxacağı xəbərləri yayılmışdı.

2025/2026 mövsümündə Kilian Mbappe 33 oyunda iştirak edib, 38 qol vurub və 6 məhsuldar ötürmə edib.