“Bu oyunlar azarkeşlər üçün unudulmaz olacaq”

"Real Madrid"in baş məşqçisi Alvaro Arbeloa Çempionlar Liqasının 1/8 final mərhələsinin püşkatmasının nəticələrini şərh edib.  

90deqiqe.Az xəbər verir ki, "AS" mütəxəssisin dediklərini belə çatdırıb.

"Bunlar iki böyük klub arasında həyəcanlı oyunlar olacaq. "Real Madrid" azarkeşləri rəqiblərin keyfiyyətinə görə bu qarşılaşmanı çox sevirlər. Vaxtı gələndə tam hazır olacağıq", - deyə AS Arbeloanın sözlərini sitat gətirib.

Püşkatmanın nəticələrinə "Los Blancos"un "Mançester Siti" ilə qarşılaşacağı bildirilib. "Real Madrid" və "Mançester Siti" arasında ilk oyun 11 martda Madriddə keçiriləcək. Oyun Bakı vaxtı ilə saat 00:00-da başlayacaq. Cavab oyunu isə 17 martda Mançesterdə saat 00:00-da başlayacaq.

Bu ilki yarışın finalı Budapeştdəki "Puşkaş Arena"da keçiriləcək. Yarışın final oyunu isə 30 may 2026-cı ildə keçiriləcək.