“Nyukasl” – “Barselona” oyununda qalib müəyyənləşmədi

UEFA Çempionlar Liqasının 2025/2026 mövsümünün 1/8 final mərhələsində “Nyukasl” (İngiltərə) ilə “Barselona” (İspaniya) arasında keçirilən ilk oyun heç-heçə başa çatıb.

90deqiqe.Az xəbər verir ki, qarşılaşma Nyukasl-apon-Tayn şəhərində yerləşən “Sent-Ceyms Park” stadionunda baş tutub. Matçı italiyalı baş hakim Marco Guida idarə edib. Görüş 1:1 hesabı ilə yekunlaşıb.

Oyunda hesab yalnız matçın sonlarına doğru açılıb. 86-cı dəqiqədə “Nyukasl”un hücumçusu Harvey Barnes fərqlənərək meydan sahiblərini önə keçirib. Lakin qonaqlar qısa müddət sonra cavab qolunu vuraraq məğlubiyyətdən xilas olublar.

Komandalar arasında cavab qarşılaşması martın 18-də keçiriləcək. Oyun Barselonada yerləşən "Spotify Camp Nou" stadionunda baş tutacaq.

Qeyd edək ki, “Nyukasl” pley-off mərhələsində Qarabağ FK ilə üz-üzə gəlib və iki oyunun cəmində 9:3 hesabı ilə qalib gələrək 1/8 finala yüksəlib. “Barselona” isə Çempionlar Liqasının ümumi mərhələsini 16 xalla 5-ci pillədə başa vuraraq pley-off mərhələsinə vəsiqə qazanıb.