- Çempionlar liqası
- 02:10 12.03.2026
PSJ (Fransa) və "Çelsi" (İngiltərə) arasında 2025/2026 mövsümü Çempionlar Liqasının 1/8 final mərhələsinin ilk oyunu başa çatıb.
90deqiqe.Az-ın məlumatına görə, Parisdəki "Park de Princes" stadionunda keçirilən matçda meydan sahibləri 5-2 hesabı ilə qalib gəlib.
Ev sahibi komandanın hücumçusu Bredli Barkola 10-cu dəqiqədə hesabı açıb. "Çelsi"nin müdafiəçisi Malo Qusteau 28-ci dəqiqədə bərabərlik qolunu vurub. Hücumçu Usman Dembele 40-cı dəqiqədə parislilərə hesabı açıb. "Çelsi"nin yarımmüdafiəçisi Enzo Fernandez 58-ci dəqiqədə bərabərlik qolunu vurub. Vitinya 74-cü dəqiqədə parislilərin üçüncü qolunu vurub.
86-cı dəqiqədə PSJ-nin cinah oyunçusu Xviça Kvaratsxeliya fərqlənib, 90+4-cü dəqiqədə isə gürcü futbolçu dubla imza ataraq matçın yekun hesabını müəyyənləşdirib — 5:2.
"Çelsi" və PSJ arasında cavab oyunu 17 martda Londondakı "Stemford Bridc"də keçiriləcək.
Pley-off mərhələsində parislilər "Monako"nu ümumi hesabla 5-4 hesabı ilə məğlub ediblər. "Mavilər" Çempionlar Liqasını ümumilikdə 16 xalla başa vuraraq altıncı yeri tutublar. PSJ Çempionlar Liqasının hazırkı çempionudur.
