“Haaland kimi güclü hücumçulara qarşı oynamağı sevirəm”

Madrid “Real”ının müdafiəçisi Antonio Rüdiger “Mançester Siti”nin hücumçusu Erlinq Haalandı necə zərərsizləşdirməsi ilə bağlı sualı cavablandırıb.

90deqiqe.Az xəbər verir ki, alman futbolçu bu barədə jurnalistlərə açıqlamasında deyib.

“Statistika haqqında çox düşünmürəm. Ona xüsusi əhəmiyyət vermirəm – bunlar sadəcə rəqəmlərdir. Ümumi mərhələdə keçirilən oyunda Haaland məndən daha yaxşı idi.

Belə güclü hücumçulara qarşı oynamağı sevirəm. Bu cür fiziki mübarizələr xoşuma gəlir. Amma müdafiədə tək deyiləm. Din Höysen də ötən oyunda çox yaxşı çıxış etdi. Cavab qarşılaşmasını səbirsizliklə gözləyirəm”

Qeyd edək ki, “Mançester Siti” ilə Madrid “Real”ı arasında cavab oyunu martın 17-də Bakı vaxtı ilə saat 00:00-da başlayacaq. Komandalar arasında keçirilən ilk qarşılaşmada Madrid təmsilçisi 3:0 hesablı qələbə qazanıb.