“Qalatasaray” Noa Langın zədəsi ilə bağlı “Liverpul”a qarşı məhkəməyə müraciət edəcək

Türkiyənin "Qalatasaray" klubunun baş direktoru Eray Yazqan Çempionlar Liqasında "Liverpul"a 4-0 hesabı ilə uduzduqları oyunda yarımmüdafiəçi Noah Lanqın zədələnməsindən sonra klubun "Liverpul"u məhkəməyə vermək niyyətində olduğunu açıqlayıb.

90deqiqe.Az xəbər verir ki, "HT Spor" Yazqanın dediklərini belə çatdırıb.

"Oyundan sonra UEFA nümayəndələrinə şikayət etdik. Onlar araşdırma apardılar. UEFA vəziyyəti qiymətləndirəcək. Vəkillərimizlə məsləhətləşirik. UEFA-ya kompensasiya tələbi ilə müraciət edəcəyik və əmək haqqı ödənişləri ilə bağlı maliyyə çətinliklərinin nəzərə alınmasını tələb edəcəyik.

Tələblərimiz yerinə yetirilməsə, məhkəməyə müraciət edə bilərik. Mütləq prioritetimiz oyunçuların sağlamlığıdır... Pul ikinci dərəcəlidir. Bundan əlavə, bu məsələdə məsul olanları məsuliyyətə cəlb edəcəyik"

Qeyd edək ki, 75-ci dəqiqədə Lang reklam lövhəsinə çırpılıb və barmağını zədələyib. Futbolçuda qanaxma baş verib və bir müddət meydançada qalıb. Daha sonra o, nosilkalarda meydandan çıxarılıb. Həkimlər Langda barmağın fəsadlı şəkildə qismən qopmuş falanqası olduğunu və əməliyyatın qaçılmaz olduğunu bildiriblər.