“Çempionlar Liqasını qazanmaq mənim üçün əsas motivasiyadır”

İspaniyanın “Atletiko” klubunun yarımmüdafiəçisi Markos Llorente futbolu davam etdirməyə onu nə motivasiya etdiyini açıqlayıb.

90deqiqe.Az xəbər verir ki, futbolçu bu barədə UEFA-nın mətbuat xidmətinə açıqlamasında danışıb.

“Bir neçə ay öncə xanımla oturub danışdıq ki, məni futbol oynamağa nə motivasiya edir. Mənim üçün ən vacib hədəflərdən biri Çempionlar Liqasını qazanmaqdır. Elə bu məqsəd hər səhər məni oyadır. Həyatda böyük hədəflər qoymaq lazımdır və bu, mənim üçün onlardan biridir. Bu, mənim əzmlə işləməyə davam etməyimə kömək edir.”

Qeyd edək ki, sabah, “Atletiko” və “Barselona” komandaları Çempionlar Liqasının kvartal finalının ilk oyununda qarşılaşacaqlar.