“Real” “Bavariya” görüşü ərəfəsində bir futbolçu ilə bağlı qərarsızdır

Madrid “Real”ı çərşənbə günü Çempionlar Liqasının 1/4 final mərhələsinin cavab oyununda “Bavariya” ilə qarşılaşacaq.

90deqiqe.Az-ın "Diario AS"a istinadən məlumatına görə,  həlledici matç ərəfəsində klubda Eduardo Kamavinqa ilə bağlı şübhələr yaranıb. Yarımmüdafiəçi son “Jirona” ilə görüşdə göstərdiyi oyuna görə məşqçi heyətini tam qane etməyib və Aurelyen Tçuameni cəzalı olmasına baxmayaraq, əsas heyətdəki yerini itirə bilər.

“Real Madrid” ilk oyunda evdə 1:2 hesabı ilə məğlub olub və Münhendə qələbə qazanmaq məcburiyyətindədir.

“Bavariya” – “Real Madrid” oyunu Bakı vaxtı ilə 23:00-da başlayacaq. Cütün qalibi yarımfinalda “PSJ” və ya “Liverpul” komandası ilə qarşılaşacaq.