"Komandam inanılmaz işlər görür"

“Arsenal” son bir ayda nəticələrlə azarkeşlərini bir neçə dəfə məyus etsə də, komandanın baş məşqçisi Mikel Arteta müsbət mövqeyini qoruyur.

90deqiqe.Az xəbər verir ki, mütəxəssis jurnalistlərə açıqlamasında bildirib ki, komandası klub tarixində görünməmiş uğura imza atmağa çalışır:

“Biz bu klubun 140 illik tarixində heç vaxt qazanılmayan uğur uğrunda mübarizə aparırıq. Çempionlar Liqasında ardıcıl üçüncü dəfə 1/4 finala yüksəlmişik – bu, klub tarixində ilkdir. İndiyədək heç bir komanda bunu bacarmayıb. Mənim komandam inanılmaz işlər görür”.

Qeyd edək ki, “Arsenal” aprelin 15-də Çempionlar Liqasının 1/4 final mərhələsinin cavab oyununda “Sportinq”i qəbul edəcək. İlk görüşdə London təmsilçisi 1:0 hesabı ilə qalib gəlib.