“Kimin ən yaxşı qapıçı olduğunu demək çətindir”

“Bavariya”nın qapıçısı Manuel Noyer Çempionlar Liqasında “Real”a qarşı keçiriləcək cavab oyunu öncəsi fikirlərini bölüşüb.

90deqiqe.Az xəbər verir ki, təcrübəli qapıçı özünü tarixin ən yaxşı qapıçısı hesab edib-etmədiyi ilə bağlı sualı belə cavablandırıb:

“Bunu demək çətindir – hər şey hansı dövrdən danışdığımızdan asılıdır. Çox sayda yüksək səviyyəli qapıçı olub. Son onilliklərdə belə ən azı 10 belə qapıçı var. Hərəsinin özünəməxsus üslubu var”.

Noyer həmçinin bildirib ki, qarşılaşmada Tibo Kurtuanın iştirak etməməsi üzücüdür:

“Belə bir oyunda Tibo Kurtoanın olmaması çox üzücüdür. Əvvəllər Peter Şmeyxel, Oliver Kan, İker Kasilyas, Canluici Buffon kimi qapıçılar var idi. İndi də güclü qapıçılar mövcuddur. Hərəsinin öz üstün cəhətləri var. Kimin ən yaxşı olduğunu demək çətindir”.

Qeyd edək ki, “Real”a qarşı səfər oyununda 40 yaşlı qapıçı 9 uğurlu qapı dəfi ilə komandasının ən yaxşılarından biri olub.