“Hazırkı PSJ müdafiə olunmağı da bacarır”

"Yuventus" və İtaliya millisinin keçmiş futbolçusu Alessandro Del Piero Çempionlar Liqasında PSJ-nin oyunu ilə bağlı fikirlərini bildirib.  

90deqiqe.Az xəbər verir ki, "Sky Sports" sabiq futbolçunun dediklərini belə çatdırıb.

“PSJ yarımmüdafiə xəttinə daha çox yaradıcılıq və istedad yatırır, “Bavariya” isə daha balanslı, sabit və təşkilatlanmış komandadır. Bu iki komandanın potensial olaraq hər şeyi var. Hazırkı PSJ müdafiə olunmağı da bacarır – bu, Messi, Neymar və Mbappe ilə çıxış edən əvvəlki komanda deyil”, – deyə Del Piero bildirib.

Qeyd edək ki, Luis Enrikenin rəhbərlik etdiyi komanda 1/4 finalda “Liverpul”u iki oyunun nəticəsinə əsasən 4:0 hesabı ilə məğlub edərək yarımfinala yüksəlib.PSJ-nin yarımfinaldakı rəqibi “Bavariya” və ya Madrid “Real”ı olacaq. Münhen klubu ilk 1/4 final görüşündə səfərdə 2:1 hesabı ilə qalib gəlib, cavab oyunu isə 15 aprel tarixində keçiriləcək.