Rafinya "Atletiko" azarkeşlərinə etdiyi jestlərə görə üzr istədi

“Barselona”nın vingeri Rafinya Çempionlar Liqasından mübarizəni dayandırdıqdan sonra “Atletiko” azarkeşlərinə qarşı jestləri ilə diqqət çəkib.

90deqiqe.Az xəbər verir ki, braziliyalı futbolçu jestlərlə “matrasçılar”ın turnirin yarımfinalında mübarizəni dayandıracağını göstərib. Daha sonra Rafinya hərəkətinə görə üzr istəyib.

O, açıqlamasında belə deyib: “Bu, gərgin anlarda edilən bir hərəkət idi və mənə hörmətsizlik edən azarkeşə cavab idi. Jestimə görə üzr istəyirəm – bu, mənim dəyərlərimə və xarakterimə uyğun deyil”.

Qeyd edək ki, “Barselona”nın növbəti oyunu 22 aprel tarixində La Liqa çərçivəsində “Selta”ya qarşı olacaq. Rafinyanın isə zədədən yalnız may ayında tam sağalacağı bildirilir.