“Yarımfinal öncəsi həyəcan hissi yaşayırıq”

Madrid “Atletiko” klubunun kapitanı Koke Resurreksion Çempionlar Liqasının yarımfinalı öncəsi öz vəziyyətini şərh edib.  

90deqiqe.Az xəbər verir ki, "AS" futbolçunun dediklərini belə çatdırıb.

“Matç yaxınlaşanda qarnında sanki kəpənəklər uçuşur, sanki bəyəndiyin qızla ilk görüş kimidir. Amma isinmə hərəkətlərinə çıxanda bütün bu hisslər yox olur. Yarımfinalda oynadığın üçün sevinc hissi ilə çıxırsan. Biz bu oyuna böyük sevinc və motivasiya ilə yanaşırıq”

Qeyd edək ki, 29 aprel tarixində İspaniya təmsilçisi “Arsenal” ilə bu mərhələnin ilk oyununda qarşılaşacaq. Görüş Bakı vaxtı ilə saat 23:00-da başlayacaq.

Turnirin 1/4 final mərhələsində “Atletiko” iki oyunun nəticəsinə görə “Barselona”nı 3:2 hesabı ilə məğlub edib.