“Mbappe olmadan daha güclü olduğumuzu sübut edirik”

PSJ-nin baş məşqçisi Luis Enrike keçmiş futbolçu Kilian Mbappe ilə bağlı əvvəlki açıqlamasını xatırladıb.

90deqiqe.Az-ın məlumatına görə, o bildirib ki, Mbappe barədə söylədiyi fikirlər cəsarətli olub:

“Düşünürəm ki, Mbappenin bu komandada problem olduğunu və onun gedişindən sonra daha yaxşı olacağımızı demək çox cəsarətli idi. Biz bunu ikinci dəfə sübut etmək ərəfəsindəyik, hər iki komandanın statistikası bunu açıq şəkildə göstərir”.

Qeyd edək ki, Kilian Mbappe 2017–2024-cü illərdə “PSJ”də çıxış edib və daha sonra azad agent kimi Madridin “Real” klubuna keçib.

Xatırladaq ki, ötən mövsüm Paris təmsilçisi tarixində ilk dəfə UEFA Çempionlar Liqasının qalibi olub.

Aprelin 28-də Luis Enrikenin komandası yarımfinal mərhələsinin ilk oyununda doğma meydanda “Bavariya”nı 5:4 hesabı ilə məğlub edib.