Hakimi “Bavariya” ilə cavab oyununu buraxa bilər

Fransanın PSJ klubunun müdafiəçisi Əşrəf Hakimi Çempionlar Liqasında “Bavariya”ya qarşı keçirilən oyunun sonlarında ağrı hiss edib.

90deqiqe.Az-ın məlumatına görə, ilkin qiymətləndirmə bunun sadəcə qıcolma olmadığını göstərib. Futbolçunun əzələ problemi var və yaxın günlərdə aparılacaq müayinələr vəziyyətə tam aydınlıq gətirəcək.

Artıq məlumdur ki, Hakimi Münhendə keçiriləcək cavab oyununu buraxa bilər.

Mərakeşli futbolçu əvəzlənməyib, çünki baş məşqçi Luis Enrike artıq bütün üç dəyişiklik hüququndan istifadə edib.

Xatırladaq ki, PSJ öz meydanında “Bavariya”nı 5:4 hesabı ilə məğlub edib. Cavab görüşü gələn həftə – mayın 6-da keçiriləcək.