“PSJ-yə qarşı cəsarətlə oynamalıyıq”

“Arsenal”ın baş məşqçisi Mikel Arteta qarşıdan gələn Çempionlar Liqasının final oyunu barədə fikirlərini bölüşüb.  

90deqiqe.Az xəbər verir ki, təcrübəli çalışdırıcı bu barədə UEFA-nın mətbuat xidmətinə açıqlamasında danışıb. 

“PSJ ilə oyuna böyük cəsarətlə çıxmalıyıq. Hamı bizə dəstək verir. Rəqibi çox yaxşı təhlil etmişik. Onların nə etdiyini və bunu hansı məqsədlə etdiyini də araşdırmışıq. Timber finala start heyətində çıxmağa tam hazırdır. Maduyeke də oyuna hazır vəziyyətdədir”

“Arsenal” klub tarixində yalnız bir dəfə Çempionlar Liqasının finalında çıxış edib. Bundan 20 il əvvəl “topçular” “Barselona”ya 1:2 hesabı ilə məğlub olmuşdu.

Qeyd edək ki, London təmsilçisi finalda PSJ ilə üz-üzə gələcək. PSJ ilə “Arsenal” arasında keçiriləcək final qarşılaşması 30 may tarixində, Bakı vaxtı ilə saat 20:00-da başlayacaq.