"Sabah" Çempionlar Liqasında TNS-i məğlub etdi

"Sabah" UEFA Çempionlar Liqasının I təsnifat mərhələsinə inamlı qələbə ilə başlayıb.

90deqiqe.Az xəbər verir ki, Valdas Dambrauskasın rəhbərlik etdiyi kollektiv ilk oyunda Bakıda Uels çempionu TNS-i 2:0 hesabı ilə məğlub edib.

"Bank Respublika Arena"da keçirilən qarşılaşmada Azərbaycan təmsilçisinin qollarını Velko Simiç və Kahim Parris vurublar.

Görüşün son dəqiqələrində "Sabah" azlıqda qalıb. Belə ki, Stiv Solvet 90+2-ci dəqiqədə qırmızı vərəqə alaraq meydandan kənarlaşdırılıb.

Matçın baş hakimi polşalı FIFA referisi Patrik Qritskeviç olub.

Qeyd edək ki, tərəflər arasında cavab görüşü bir həftə sonra Uelsin Ozuestri şəhərində keçiriləcək.