"Fənərbağça"nın taleyini Taliska həll etdi

UEFA Çempionlar Liqasının II təsnifat mərhələsinin ilk oyununda Türkiyənin "Fənərbağça" klubu doğma meydanda Polşa təmsilçisi "Qornik Zabrje"ni qəbul edib.

90deqiqe.Az-ın məlumatına görə, gərgin keçən qarşılaşma İstanbul təmsilçisinin 1:0 hesablı qələbəsi ilə başa çatıb.

Oyunda yeganə qolu 37-ci dəqiqədə Anderson Taliska vurub.

Tərəflər arasında cavab görüşü iyulun 29-da Polşada keçiriləcək.

Qeyd edək ki, "Fənərbağça" bu mərhələni uğurla adlayacağı təqdirdə III təsnifat mərhələsində Avstriyanın "Şturm" və Şotlandiyanın "Harts" komandaları arasındakı cütün qalibi ilə qarşılaşacaq.