"Fənərbağça" Çempionlar Liqasında növbəti mərhələyə yüksəldi

UEFA Çempionlar Liqasının II təsnifat mərhələsinin cavab oyununda "Fənərbağça" səfərdə Polşa təmsilçisi "Qornik Zabje" ilə 1:1 hesablı heç-heçə edib.

90deqiqe.Az-ın məlumatına görə, Zabje Arenada keçirilən qarşılaşmada hesabı İstanbul təmsilçisi açıb. Matçın 12-ci dəqiqəsində Anderson Taliska penaltidən dəqiq zərbə ilə komandasını önə keçirib.

Meydan sahibləri isə ilk hissəyə əlavə olunmuş vaxtın 10-cu dəqiqəsində Satsekin qolu ilə hesabı bərabərləşdiriblər.

Görüş 1:1 hesabı ilə başa çatıb. İlk oyunda 1:0 hesablı qələbə qazanan "Fənərbağça" iki oyunun nəticəsinə əsasən 2:1 hesabı ilə üstünlük əldə edərək UEFA Çempionlar Liqasının III təsnifat mərhələsinə vəsiqə qazanıb.

Türkiyə təmsilçisi növbəti mərhələdə Avstriyanın "Şturm Qrats" klubu ilə qarşılaşacaq.