"Sabah"ın Çempionlar Liqasında potensial rəqibi bəlli oldu

UEFA Çempionlar Liqasının pley-off mərhələsinin püşkü atılıb.

90deqiqe.Az-ın məlumatına görə, İsveçrənin Nyon şəhərində keçirilən püşkatma mərasimində Azərbaycan təmsilçisi "Sabah"ın növbəti mərhələdəki potensial rəqibi müəyyənləşib.

Bakı klubu III təsnifat mərhələsində Danimarkanın "Orhus" komandasını mübarizədən kənarlaşdıracağı təqdirdə, pley-offda "Hapoel" (Beer-Şeva, İsrail) – "Srvena Zvezda" (Serbiya) cütünün qalibi ilə üz-üzə gələcək.

Qeyd edək ki, UEFA Çempionlar Liqasının pley-off mərhələsinin ilk oyunları avqustun 18-19-da, cavab qarşılaşmaları isə 25-26-da keçiriləcək.